დასრულდა 2019 წლის 28 იანვარს საქართველოს მთავრობის დადგენილების საფუძველზე შემუშავებული პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამის პირველი ეტაპი, რომელიც წარმატებით დაასრულა პროგრამის 42-მა მოსარგებლემ.
15-16 ივნისს, თბილისში – პირველი რესპუბლიკის მოედანზე პროფესიული განათლების ქართულ-გერმანული დღეები გაიმართა. პროფესიული განათლების დღეების ფარგლებში მიმდინარეობდა კონფერენცია Expert to Expert Talks, რომელშიც ქართველ ექსპერტებთან ერთად მონაწილეობას იღებდნენ 22 ექსპერტი გერმანიიდან.
31 მაისს, სასტუმრო „თბილის რუმსში“ საქართველოს პრეზიდენტის ადმინისტრაციის, განათლების, მეცნიერების, კულტურისა და სპორტის სამინისტროს, შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატისა და ზურაბ ჟვანიას სახელობის სახელმწიფო ადმინისტრირების სკოლის ორგანიზებით, ერთობლივი კონფერენცია – „სახელმწიფო ენა სამოქალაქო ინტეგრაციისა და ადამიანური კაპიტალის განვითარებისთვის საქართველოში“ გაიმართა.
31 მაისს, ბათუმში, სსიპ სოციალური მომსახურების სააგენტოს ორგანიზებით, დასაქმების ფორუმი გაიმართა. დასაქმების ფორუმს კოლეჯის სამუშაოს მაძიებელთა მომმზადება-გადამზადების მოკლევადიანი პროგრამის მსმენელები ესწრებოდნენ.
ურთიერთთანამშრომლობის მემორანდუმის საფუძველზე სსიპ გლდანის პროფესიული მომზადების ცენტრისა და კოლეჯი ბარაკონის ინფორმაციის ტექნოლოგიის პროფესიულმა სტუდენტებმა წარმატებით განახორციელეს პრაქტიკული პროექტი. პროექტის ფარგლებში კოლეჯის ახალ მისამართზე გააწყვეს კომპიუტერული ტექნიკა და გამართეს შიდა კომპიუტერული ქსელი.
მიმდინარე წლის პირველი მაისიდან სასწავლო პროცესი განახლდება ახალ სასწავლო მისამართზე:
თბილისი, ვაკე-საბურთალოს რაიონი, პოლიტკოვსკაიას ქ. # 4. Vl სართული.
კოლეჯის დირექტორის 2019 წლის 17 აპრილის N18 ბრძანებით 25 აპრილიდან 30 აპრილის ჩათვლით ცხადდება სააღდგომო არდადეგები. 1 მაისს სასწავლო პროცესი განახლდება ახალ სასწავლო მისამართზე.
მიმდინარე წლის 18 აპრილს, პროფესიული განათლების ხარისხის უზრუნველყოფის სამსახურის წარმომადგენლებმა კოლეჯებისთვის გამართეს საინფორმაციო შეხვედრა. შეხვედრაზე განხილულ იქნა მოკლე ციკლის (ასოცირებული ხარისხის მქონე) საგანმანათლელო პროგრამებში განხორციელებული ცვლილებები და სხვა მნიშვნელოვანი საკითხები.
საქართველოს კერძო კოლეჯების ასოციაციისა და საქართველოს პარლამენტის განათლების, მეცნიერებისა კულტურის კომიტეტის თავმჯდომარის, ქ-ნ მარიამ ჯაშის ინიციატივით პარლამენტში შედგა შეხვედრა კერძო კოლეჯების ხელმძღვანელებს, განათლების, მეცნიერების, კულტურისა და სპორტის მინისტრის მოადგილე ქ-ნ ირინა აბულაძესა და სამინისტროს პროფესიული განათლების განვითარების დეპარტამენტის წარმომადგენლებს შორის.
მიმდინარე წლის 25 თებერვალს გაფორმდა სსიპ გლდანის პროფესიული მომზადების ცენტრსა და შპს ბარაკონს შორის ურთიერთთანამშრომლობის მემორანდუმი. მხარეები გამოთქვამენ მზაობას და ადასტურებენ თანამშრომლობის სურვილს პროფესიული სტუდენტებისათვის პროფესიული უნარ-ჩვევების გამომუშავების საქმეში.