მიმდინარე წლის 23 სექტემბერს, განათლებისა და მეცნიერების მინისტრის მოადგილემ თამარ ქიტიაშვილმა გამართა საინფორმაციო შეხვედრა პროფესიული საგანმანათლებლო პროგრამების განმახორციელებელი დაწესებულებების წარმომადგენლებთან. შეხვედრის მიზანს წარმოადგენდა პროფესიულ პროგრამებზე 2021 წლის მიღების და ჩარიცხვის პირობები.
პროფესიულ საგანმანათლებლო პროგრამებზე აპლიკანტთა შერჩევის პროცესი სრულდება 26 სექტემბერს. შერჩევის საბოლოო შედეგები აპლიკანტებს 1-ლ ოქტომბრამდე ეცნობებათ პორტალზე: https://vet.emis.ge/#/
სსიპ – განათლების ხარისხის განვითარების ეროვნულ ცენტრში გარე ინიცირებით, წარდგენილ იქნა “ფარმაცია (სააფთიაქო)” პროფესიული საგანმანათლებლო პროგრამის ჩარჩო დოკუმენტის ცვლილების პროექტი. წარმოდგენილი პროექტის განხილვის მიზნით, განათლების ხარისხის განვითარების ეროვნული ცენტრის მიერ, მიმდინარე წლის 13 სექტემბერს, Zoom-ის ელექტრონული პლატფორმის მეშვეობით, დაინტერესებული მხარეთა ჩართულობით, გაიმართება საკითხის საჯარო განხილვა.
პროფესიულ საგანმანათლებლო პროგრამებზე ჩაბარების მსურველთათვის შეფასებისა და გამოცდების ეროვნული ცენტრის მიერ ორგანიზებული ტესტირება ქიმია-ბიოლოგიაში ჩატარდება:
✔ საქართველოს რეგიონებში განთავსებულ საგამოცდო ცენტრებში 6 სექტემბერს;
✔ ქალაქ თბილისში განთავსებულ საგამოცდო ცენტრებში 13 სექტემბერს.
მიმდინარე წლის 3 სექტემბერს, პროფესიული პროგრამების განმახორციელებელი საგანმანათლებლო დაწესებულებების წარმომადგენლების მხრიდან გამოხატული მაღალი ინტერესიდან გამომდინარე, საქართველოს განათლებისა და მეცნიერების სამინისტრომ, ახალი კორონავირუსის (Covid-19) საწინააღმდეგო ვაქცინაციასთან დაკავშირებით, მორიგი საინფორმაციო ონლაინ შეხვედრა გამართა, დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენელთან.