2021 წლის მიღებისთვის, ინფორმაციის ტექნოლოგიის პროფესიულ საგანმანათლებლო პროგრამაზე აპლიკანტებთან გასაუბრების თარიღებად განსაზღვრულია 2021 წლის 8, 9 და 10 სექტემბერი, ხოლო საოფისე საქმის პროფესიულ საგანმანათლებლო პროგრამისთვის 8 და 9 სექტემბერი.
მიმდინარე წლის 27 აგვისტოს, კოლეჯი ბარაკონის დირექტორის ბრძანებით დამტკიცებული შესარჩევი კომისიების მიერ, დისტანციური სამუშაო შეხვედრა გაიმართა. კომისიები დაკომპლექტებულია პროფესიული განათლების მასწავლებლებისგან და კოლეჯის პარტნიორებისგან, რომლებიც აქტიურად არიან ჩართულნი საგანმანათლებლო პროცესში.
მიმდინარე წლის 25 და 27 აგვისტოს გაიმართა ონლაინ შეხვედრა ალერგოლოგ-იმუნოლოგ, ბიძინა კულუმბეგოვთან და განათლებისა და მეცნიერების მინისტრის მოადგილესთან, ქალბატონ თამარ ქიტიაშვილთან. შეხვედრის ფარგლებში პროფესიული განათლების მასწავლებლებს შესაძლებლობა ჰქონდათ მიეღოთ დეტალური ინფორმაცია კორონავირუსის (Covid-19) საწინააღმდეგო ვაქცინაციის შესახებ.
მიმდინარე წლის 17 აგვისტოს, სსიპ განათლების ხარისხის განვითარების ეროვნული ცენტრის მიერ, გაიმართა საინფორმაციო შეხვედრა პროფესიულ საგანმანათლებლო დაწესებულებების წარმომადგენლებთან, რომელიც ეხებოდა პროფესიულ საგანმანათლებლო პროგრამაზე ჩარიცხვის წესსა და პირობებს.
მიმდინარე წლის 9-10 აგვისტოს, განათლების ხარისხის განვითარების ეროვნული ცენტრის მიერ ჩატარდა ონლაინ ტრენინგი, რომლის მიზანი იყო პროფესიულ საგანმანათლებლო პროგრამაში ინტეგრირებული ზოგადი განათლების საშუალო საფეხურის სწავლის შედეგების შეფასების მიდგომების გაცნობა და შეფასების პროცესის ადმინისტრირების საკითხების გაცნობიერება.