2024 წლის 14 მაისს, საქართველოს კერძო კოლეჯების ასოციაციისა და დასაქმების ხელშეწყობის სახელმწიფო სააგენტოს ორგანიზებით გაიმართება ღონისძიება ,,ისწავლე და დასაქმდი პროფესიული განათლებით”. ღონისძიებაზე მოწვეული იქნებიან კერძო და სახელმწიფო კოლეჯების სადიპლომო და სასერტიფიკატო პროგრამების სხვადასხვა მიმართულების კურსდამთავრებულები. ღონისძიებაზე წარმოდგენილი იქნებიან კოლეჯების პარტნიორი და არაპარტნიორი კერძო კომპანიები. ღონისძიების ფარგლებში სამუშაოს მაძიელებლებს შესაძლებლობა ექნებათ გაეცნონ შრომის ბაზრის აქტიურ ვაკანსიებს და ადგილზევე გაესაუბრონ პოტენციურ დამსაქმებელს.…
23 აპრილი წიგნის საერთაშორისო დღეა. ამ დღესთან დაკავშირებით, კოლეჯ ბარაკონში ვუმასპინძლეთ ,,პალიტრა L’’-ის გამომცემლობას. ჩვენი კოლეჯის პროფესიულ სტუდენტებსა და კოლეჯის წარმომადგენლებს ჰქონდათ შესაძლებლობა წიგნები საფესტივალო ფასებში შეეძინათ და საყვარელი ადამიანებისთვის განსაკუთრებული საჩუქარი გაეკეთებინათ. 23 აპრილი წიგნის ჩუქების საერთაშორისო დღედ 1923 წელს გამოცხადა. საქართველოში კი წიგნის ჩუქების ტრადიცია 2019 წლიდან დამკვიდრდა და მას შემდეგ ყოველწლიურად აღინიშნება.
25 აპრილიდან 16 მაისამდე, ყოველ ორშაბათს და ხუთშაბათს კოლეჯი ბარაკონი უმასპინძლებს აპლიკანტებს ღია კარის დღეებზე. საინფორმაციო შეხვედრებზე პროფესიული განათლების მიღების მსურველებს ექნებათ შესაძლებლობა მიიღონ ამომწურავი ინფორმაცია, 2024 წლის საგაზაფხულო მიღებასთან დაკავშირებით. ყოველ ორშაბათს და ხუთშაბათს 12.00დან -15:00 საათამდე გელოდებით კოლეჯში!
22 აპრილიდან 16 მაისის ჩათვლით, მიმდინარეობს რეგისტრაცია დიპლომირებულ პროფესიულ საგანმანათლებლო პროგრამებზე: საექთნო საქმე ფარმაცია(სააფთიაქო) ინფორმაციის ტექნოლოგია პროგრამები სრულად ფინანსდება სახელმწიფოს მიერ. გაიცემა ორენოვანი სახელმწიფო დიპლომი. კონსულტაციის მისაღებად, დაგვირეკე: 551278803 / 574 14 35 36 / 598 53 54 55 ან მოგვწერე პირად შეტყობინებაში. რეგისტრაციისთვის ეწვიე საიტს: www.vet.emis.ge
მიმდინარე წლის 2 აპრილს, სსიპ განათლების ხარისხის განვითარების ეროვნული ცენტრის ორგანიზებით, პროფესიული საგანმანათლებლო დაწესებულებების წარმომადგენლების შესაძლებლობების გაძლიერებისა და თვითშეფასების პროცესში მტკიცებულებათა იდენტიფიცირების საკითხებთან დაკავშირებით შეხვედრა გაიმართა. შეხვედრის პირველი ნაწილი პროფესიული საგანმანათლებლო დაწესებულებების ავტორიზაციის სტანდარტების მოთხოვნებსა და იდენტიფიცირებული მტკიცებულებების წარმოდგენას დაეთმო, ხოლო მეორე ნაწილი ავტორიზაციის სტანდარტებთან დაკავშირებით სამუშაო ჯგუფების მიერ მტკიცებულებათა იდენტიფიცირებასა და პრეზენტირებას.
კოლეჯ ბარაკონში გაიმართა ჩვენი კოლეჯის პროფესიული განათლების მასწავლებლის, მხატვარ-დიზაინერის, ებრუ არტის-ის სპეციალისტის, ეკა ქებურიას ნახატების გამოფენა. გამოფენა გაიხსნა მიმდინარე წლის 15 მარტს, 15 საათზე, გაგრძელდა ერთ კვირას და დასრულდა 22 მარტს. ებრუს მეთოდით მხატვრობა სპეციალურად დამზადებული საღებავებით კონცენტრირებული წყლით ქაღალდზე, თიხაზე, აბრეშუმზე გადატანილი დეკორატიული ხელოვნებაა. ხელოვნების ეს დარგი სავარაუდოდ მე-13 საუკუნეში ოსმალეთში აღორძინდა. დასავლეთში „ებრუ” მოიხსენიება როგორც „თურქული ქაღალდი” ან…
განათლების ხარისხის განვითარების ეროვნულმა ცენტრმა, მიმდინარე წლის 5-6-7 მარტს, წლიური საერთაშორისო კონფერენცია გამართა. კონფერენციის მესამე დღე დაეთმო პროფესიული განათლების ხარისხის უზრუნველყოფის განვითარების მიზნით მნიშვნელოვან მიღწევებსა და გამოწვევებს. კონფერენციის მონაწილეებმა განიხილეს პროფესიული განათლების რეფორმის ფარგლებში არსებული სიახლეები და პოლიტიკის ძირითადი ტენდენციები, ასევე, განათლების ხარისხის განვითარების ეროვნული ცენტრის მიერ 2023 წელს განხორციელებული და 2024 წლისთვის დაგეგმილი მნიშვნელოვანი ღონისძიებები და აქტივობები.
მიმდინარე წლის 26 თებერვალს, სსიპ განათლების ხარისხის განვითარების ეროვნული ცენტრის პროფესიული განათლების ხარისხის უზრუნველყოფის სამსახურმა, პროფესიული განათლების ხარისხის განვითარების მხარდაჭერის ქვეპროგრამის ფარგლებში, კოლეჯ ბარაკონში პროფესიული განათლების მასწავლებლებისთვის ჩაატარა ტრენინგი თემაზე – პროფესიული საგანმანათლებლო პროგრამების განმახორციელებელი საგანმანათლებლო დაწესებულებების მასწავლებლების შესაძლებლობების გაძლიერება. შეხვედრას უძღვებოდნენ ტრენერები მანანა თურქაძე და ია გიგიბერია. შეხვედრას ესწრებოდნენ, პროფესიული განათლების ხარისხის უზრუნველყოფის სამსახურის უფროსის მოადგილე ქეთევან ციხისელი და…
ექსტრაკურიკულური აქტივობების ფარგლებში, მიმდინარე წლის 16 თებერვალს, კოლეჯი ბარაკონის პროფესიული სტუდენტები იმყოფებოდნენ საქართველოს პარლამენტში. პროფესიულ სტუდენტებს შესაძლებლობა ჰქონდათ მიეღოთ სიღრმისეული ინფორმაცია საქართველოს ისტორიის სხვადასხვა პერიოდში პარლამენტის საქმიანობის შესახებ.
საექთნო საქმის პროფესიული საგანმანათლებლო პროგრამის კურსდამთავრებულებს პროფესიული განათლების დამადასტურებელი სახელმწიფო დოკუმენტი – დიპლომები გადაეცათ. კოლეჯი ბარაკონი ულოცავს საექთნო საქმის პროფესიული საგანმანათლებლო პროგრამის კურსდამთავრებულებს და მათ წარმატებებს უსურვებს პროფესიულ საქმიანობაში.