ყველა

10 ივლისს, კოლეჯის ორგანიზებით მეორე სტუდენტური კონფერენცია ჩატარდა, რომლის მიზანსაც პროფესიულ სტუდენტთა მიერ სწავლის პროცესში მიღებული ცოდნის სისტემატიზაცია, დარგობრივი ცოდნისა და შემოქმედებითი უნარების გამოვლენა წარმოადგენდა. ასევე, კონფერენციის მიზანი ექსტრაკურიკულური აქტივობების ფარგლებში, პროფესიულ სტუდენტთა წახალისება და მათი შესაძლებლობების წარმოჩენა იყო. კომისიის მიერ შეჯამებული შედეგების საფუძველზე, გამოვლინდა კონფერენციის გამარჯვებული პროფესიული სტუდენტები. პირველ, მეორე და მესამე ადგილზე გასულ პროფესიულ სტუდენტებს ფულადი ჯილდო, ფასიანი…

ექსტრაკურიკულური აქტივობების ფარგლებში, მიმდინარე წლის 5 ივლისს, კოლეჯ ბარაკონში ჩატარდა სპორტული რა? სად? როდის? თამაშში მონაწილეობდნენ პროფესიული საგანმანათლებლო პროგრამის ფარგლებში შექმნილი გუნდები. თითოეული გუნდი შედგებოდა 6 მონაწილისგან, მათ შორის ერთი პროფესიული განათლების მასწავლებლისგან. თამაში შედგებოდა 1 ტურისა და 15 კითხვისგან (1 შეკითხვა – 1 ქულა). გაიმარჯვა საექთნო საქმის პროფესიული საგანმანათლებლო პროგრამის გუნდმა.

მიმდინარე წლის 4 ივლისს, გაიმართა ვერიფიკაციის ჯგუფის სამუშაო შეხვედრა. შეხვედრის მიზანს წარმოადგენდა ვერიფიკაციის პროცესში ჩართული პერსონალისთვის მეთოდოლოგიის გაცნობა და არსებული გამოცდილების გაზიარება პროცესის სწორად წარმართვის მიზნით. დირექტორის ბრძანებით, ჯგუფის წევრებს დაევალათ, სამი პროფესიული საგანმანათლებლო პროგრამის ფარგლებში, ვერიფიკაციის დასკვნების შემუშავება.

მიმდინარე წლის 28 ივნისს, კოლეჯ ბარაკონში ფსიქოაქტიური ნივთიერებების შესახებ ინფორმირებულობის ამაღლებაზე მიმართული ღონისძიება გამართა. ჩატარდა საჯარო ლექცია თემაზე: “წამალდამოკიდებულების ფსიქო-სოციალური ასპექტები”. Შეხვედრას ნარკოლოგიური კლინიკა Neogeni / ნეოგენის ფსიქოთერაპევტი, ფსიქოლოგიის დოქტორი თამარ ბოკუᲩავა უძღვებოდა. ღონისძიების დროს სტუდენტებს და მასწავლებლებს, შესაძლებლობა ჰქონდათ, დაესვათ შეკითხვები ნარკოტიკული საშუალებების მოხმარებასთან დაკავშირებით, რომელზეც დარგის ექსპერტმა ამომწურევი პასუხები გასცა. შეხვედრა საინტერესო და ინფორმატიული იყო. აღინიშნა, რომ მსგავსი…

მიმდინარე წლის 27 ივნისს, პროფესიული განათლების მასწავლებლებისთვის ჩაატარდა ვოქშოფი თემაზე: “ინფორმაციული ტექნოლოგიების გამოყენება სწავლებისა და შეფასების პროცესში”. ტრენიგნს უძღვებოდა პროფესიული განათლების მასწავლებელი ზვიად მამნიაშვილი.

მიმდინარე წლის 23 ივნისს, ჩატარდა პროფესიულ სტუდენტთა შეხვედრა უფლებადამცველ სამირა ბაირამოვასთან თემაზე ,,მე აქტიური მოქალაქე”. შეხვედრამ ძალიან დიდი ინტერესი გამოიწვია როგორც პროფესიულ სტუდენტთა, ასევე პროფესიული განათლების მასწავლებელთა მხრიდან და წარიმართა ინტერაქტიულ ფორმატში.

20 ივნისს, კოლეჯ ბარაკონში გაიმართა გარი ბარდინის ფილმების -„კონფლიქტი“ და „ადაჯიო“-ს ჩვენება. ჩვენების შემდგომ, გაიმართა ფილების განხილვა – დისკუსია. განხილვას უძღვებოდა სამოქალაქო განათლების პროფესიული მასწავლებელი – ნოდარ აფხაძე. განხილვის დროს პროფესიულმა სტუდენტებმა და პროფესიული განათლების მასწავლებლებმა ერთმანეთს თავიანთი შთაბეჭდილებები გაუზიარეს.

საინფორმაციო და საკონსულტაციო შეხვედრების ფარგლებში გაიმართა საჯარო სკოლის მოსწავლეებთან შეხვედრები. შეხვედრები ჩატარდა ქ. თბილისის N163, N35, N122 და N64 საჯარო სკოლებში. შეხვედრების ფარგლებში მოსწავლეებმა მიიღეს ინფორმაცია, ზოგადად პროფესიული განათლებისა და კოლეჯ ბარაკონის საქმიანობის შესახებ. ინტერაქტიულ რეჟიმში განხორციელდა მოსწავლეების ინფორმირება 2023 წელს გამოცხადებულ პროფესიულ საგანმანათლებლო პროგრამებთან დაკავშირებით. მათ ასევე მიეწოდათ ინფორმაცია დასაქმების შესაძლებლობების შესახებ.

მიმდინარე წლის 09 ივნისს, ფარმაციის (სააფთიაქო) პროფესიული საგანმანათლებლო პროგრამის პროფესიულ სტუდენტებთან, კორპორაცია „გეფას“ წარმომადგენლების შეხვედრა გაიმართა. შეხვედრის თემა იყო პროფესიული სტუდენტებისთვის კომპანიის საქმიანობის გაცნობა და ვაკანსიებისა და ანაზღაურებადი სტაჟირების შეთავაზება. კორპორაციის წარმომადგენლებმა ფარმაციის პროფესიული საგანმანათლებლო პროგრამის პროფესიულ სტუდენტებს გააცნეს კორპორაციის საქმიანობა და შესთავაზეს მათთან დასაქმება. კორპორაცია „გეფა“ აერთიანებს 400 – მდე “ფარმადეპოს” და “ჯპს”-ის აფთიაქს. შეხვედრაზე აღინიშნა, რომ კოლეჯი ბარაკონი…

მიმდინარე წლის 09 ივნისს, შედგა მორიგი საინფორმაციო შეხვედრა საექთნო საქმის პროფესიული საგანმანათლებლო პროგრამის პრაქტიკის ინსტრუქტორებთან. პარტნიორი ორგანიზაციის წარმომადგენლებთან ერთად განიხილული იყო საწარმოო პრაქტიკის პერიოდი, დღიურად სამუშაო საათების რაოდენობა და სამუშაო ადგილზე მისაღები პროფესიული სტუდენტების რაოდენობა. ასევე განიხილეს კოლეჯში შეფასების ინსტრუმენტებისა და უწყისების წარმოდგენის ვადები.