საქართველოს მთავრობის დადგენილებიდან გამომდინარე და უქმე დღეების გათვალისწინებით, დირექტორის ბრძანებით საახალწლო არდადეგების პერიოდად განსაზღვრულია 2020 წლის 28 დეკემბრიდან 2021 წლის 17 იანვრის ჩათვლით დღეები.
შპს ბარაკონის მისიის, ხედვის, ღირებულებების, სტრეტეგიული და სამოქმედო გეგმების შემუშავებასა და მონიტორინგზე პასუხისმგებელი კომისიის მიერ შემუშავებული 2021 წლის სამოქმედო გეგმის პროექტის საჯარო განხილვა გაიმართა მიმდინარე წლის 28 დეკემბერს, 20 საათზე. COVID-19 ვირუსის გავრცელების პრევენციის მიზნით, სამოქმედო გეგმის პროექტის საჯარო განხილვა გაიმართა ონლაინ რეჟიმში, Zoom პლატფორმის მეშვეობით.
23 დეკემბერს, განათლების ხარისხის განვითარების ეროვნულმა ცენტრმა პროფესიული საგანმანათლებლო დაწესებულებებთან Zoom პლატფორმის მეშვეობით, წლის შემაჯამებელი შეხვედრა ონლაინ რეჟიმში გამართა. შეხვედრაზე ისაუბრეს ახალი სტანდარტების დანერგვის პროცესზე და დაწესებულებების მიერ განხორციელებული თვითშეფასების პირველად შედეგებზე.
შპს ბარაკონის მისიის, ხედვის, ღირებულებების, სტრეტეგიული და სამოქმედო გეგმების შემუშავებასა და მონიტორინგზე პასუხისმგებელი მუდმივმოქმედი კომისიის მიერ შემუშავდა 2021 წლის სამოქმედო გეგმის პროექტი, რომლის საჯარო განხილვა გაიმართება ონლაინ რეჟიმში, მიმდინარე წლის 28 დეკემბერს, 20 საათზე.
თქვენი ჩართულობა ჩვენთვის მნიშვნელოვანია.
12 დეკემბერს შედგა კერძო კოლეჯების ასოციაციის გაფართოებული სხდომა. შეხვედრას კოლეჯის მხრიდან, ხარისხის უზრუნველყოფის სამსახურის უფროსი, ნინო ხაჩიძე ესწრებოდა.
სხდომაზე განიხილეს რამდენიმე მნიშვნელოვანი საკითხი.
ახალი კორონავირუსის (COVID-19) პანდემიად გამოცხადების, ქვეყანაში ადამიანთა დაინფიცირების მზარდი შემთხვევების გათვალისწინებით, ვირუსის მასობრივი გავრცელების მაქსიმალურად შეჩერებისა და მისი ეფექტიანი მართვის შენარჩუნების მიზნით, საქართველოს განათლების, მეცნიერების, კულტურისა და სპორტის მინისტრის ბრძანების საფუძველზე, სასწავლო პროცესი წარიმართება მხოლოდ დისტანციურ რეჟიმში 31 იანვრის ჩათვლით.
მიმდინარე წლის 30 ნოემბერს, შპს ბარაკონის მისიის, ხედვის, ღირებულებების, სტრეტეგიული და სამოქმედო გეგმების შემუშავებასა და მონიტორინგზე პასუხისმგებელი მუდმივმოქმედი კომისიის მიერ შემუშავებული სტრატეგიული განვითარების გეგმის პროექტის საჯარო განხილვა გაიმართა, რომელიც შემუშავდა მისიის, ხედვის, ღირებულებების დოკუმენტიდან გამომდინარე.