3 დეკემბერი შეზღუდული შესაძლებლობების მქონე პირთა საერთაშორისო დღეა. ის 1992 წელს გაეროს მიერ დაარსდა და მისი მიზანია კიდევ ერთხელ გაამახვილოს ყურადღება იმ მრავალსაუკუნოვან დისკრიმინაციასა და უგულვებელყოფაზე, რომელსაც შეზღუდული შესაძლებლობების მქონე პირები განიცდიან.
ტრადიციისამებრ, ამ დღესთან დაკავშირებით, ჩვენი კოლეჯის სტუდენტები კოჯრის შშმ ბავშვთა სახლს ესტუმრნენ, ტკბილეულითა და საჩუქრებით გაახარეს პატარები, დაათვალიერეს მათი ნამუშევრების საახალწლო გამოფენა, ბოლოს კი ერთად მორთეს ხელნაკეთი ნაძვის ხე.
კოლეჯის სტუდენტებმა შშმ ბავშვებს კიდევ ერთი ლამაზი და დაუვიწყარი დღე აჩუქეს!
