2024 წლის საგაზაფხულო მიღებაზე ჩარიცხულ პროფესიულ სტუდენტთა, აგრეთვე მეორე და მესამე სასწავლო წლის პროფესიულ სტუდენტთა საყურადღებოდ! 16 სექტემბერს იწყება სასწავლო პროცესი. გილოცავთ ახალი სასწავლო წლის დაწყებას და გისურვებთ წარმატებებს!
2024 წლის საშემოდგომო მიღების ფარგლებში, 2 სექტემბრიდან 22 სექტემბრის ჩათვლით მიმდინარეობს რეგისტრაცია ინფორმაციის ტექნოლოგიის, საექთნო საქმის და ფარმაციის (სააფთიაქო) პროფესიულ საგანმანათლებლო პროგრამებზე. სწავლა სრულად ფინანსდება სახელმწიფოს მიერ. სწავლის დასრულების შემდეგ გაიცემა ორენოვანი სახელმწიფო დიპლომი. ონლაინ რეგისტრაციის გავლა შესაძლებელია ვებგვერდზე: https://vet.emis.ge/#/registration. ინფორმაციისთვის დაგვიკავშირდით: 551278803; 574 143536; 598535455
მიმდინარე წლის 29, 31 ივლისს კოლეჯ ბარაკონში, საექთნო საქმის პროფესიული საგანმანათლებლო პროგრამის დამამთავრებელი კურსის პროფესიულ სტუდენტებს ჩაუტარდათ საკვალიფიკაციო გამოცდა თეორიულ და პრაქტიკულ კომპონენტებში. თეორიული ნაწილი ჩატარდა აუდიტორიაში, ხოლო პრაქტიკული კომპონენტი ჩატარდა სიმულაციურ გარემოში. ვულოცავთ კურსდამთავრებულებს საკვალიფიკაციო გამოცდების წარმატებით დასრულებას და ვუსურვებთ წარმატებებს პროფესიულ საქმიანობაში.
ექსტრაკურიკულური აქტივობების ფარგლებში, მიმდინარე წლის 10 ივლისს, კოლეჯ ბარაკონში ჩატარდა სპორტული რა? სად? როდის? თამაშში მონაწილეობდნენ პროფესიული საგანმანათლებლო პროგრამის ფარგლებში შექმნილი გუნდები. თითოეული გუნდი შედგებოდა 6 მონაწილისგან, მათ შორის ერთი პროფესიული განათლების მასწავლებლისგან. თამაში შედგებოდა 1 ტურისა და 15 კითხვისაგან (1 შეკითხვა – 1 ქულა). გაიმარჯვა საექთნო საქმის პროფესიული საგანმანათლებლო პროგრამის გუნდმა.
მიმდინარე წლის 09 ივლისს, საექთნო საქმის პროფესიული საგანმანათლებლო პროგრამის პროფესიული სტუდენტების საკვალიფიკაციო გამოცდის ჩატარებაზე პასუხისმგებელი კომისიის წევრების შეხვედრა შედგა. შეხვედრის მიზანი იყო, კომისიის მიერ, საკვალიფიკაციო გამოცდისთვის შემუშავებული ინსტრუმენტების დირექტორისთვის დასამტკიცებლად წარდგენა.
მიმდინარე წლის 08 ივლისს, კოლეჯში ჩატარდა საინფორმაციო შეხვედრა 2021 წელს საექთნო საქმის პროფესიულ საგანმანათლებლო პროგრამაზე ჩარიცხული პროფესიული სტუდენტებისთვის. შეხვედრის მიზანი იყო 2024 წლის საკვალიფიკაციო გამოცდის ჩატარების ზოგადი წესისა და პირობების გაცნობა. სასწავლო პროცესის მართვის სპეციალისტებმა, ნოდარ აფხაძემ და მადონა კაპანაძემ პროფესიულ სტუდენტებს მიაწოდეს ინფორმაცია საკვალიფიკაციო გამოცდის ჩატარების პერიოდის, ფორმატის, შეფასებაში მონაწილეობის მიუღებლობის შედეგების, შეფასების წესისა და სხვა მნიშვნელოვანი საკითხების შესახებ.…
კოლეჯი ბარაკონის აპლიკანტთა ჩარიცხვის მიზნით დოკუმენტების წარდგენა შესაძლებელია 2024 წლის 01 ივლისიდან 15 ივლისამდე სამუშაო დღეებში, 10.00 საათიდან – 17.00 საათამდე პერიოდში. მისამართი: თბილისი, ანა პოლიტკოვსკაიას N4, მეექვსე სართული. წარსადგენი დოკუმენტები: განცხადება დირექტორის სახელზე (წერთ კოლეჯში); პირადობის დამადასტურებელი დოკუმენტი; ზოგადი საბაზო (9კლასი) /ან სრული ზოგადი (12 კლასი) განათლების დამადასტურებელი ატესტატი, ან ასლი, რომელიც ნოტარიულად იქნება დამოწმებული. იმ შემთხვევაში თუ დასრულებული…
24 ივნისს, კოლეჯის ორგანიზებით მესამე სტუდენტური კონფერენცია ჩატარდა. ყოველწლიურად კონფერენციის ჩატარების მიზანს პროფესიულ სტუდენტთა მიერ სწავლის პროცესში მიღებული ცოდნის სისტემატიზაცია, დარგობრივი ცოდნისა და შემოქმედებითი უნარების გამოვლენა წარმოადგენს. ასევე, მნიშვნელოვანია ექსტრაკურიკულური აქტივობების ფარგლებში, პროფესიულ სტუდენტთა წახალისება და მათი შესაძლებლობების წარმოჩენა. შემფასებელი კომისიის მიერ შეჯამებული შედეგების საფუძველზე, გამოვლინდა კონფერენციის გამარჯვებული პროფესიული სტუდენტები. პირველ, მეორე და მესამე ადგილზე გასულ პროფესიულ სტუდენტებს ფულადი ჯილდო,…
საექთნო საქმის და ფარმაციის (სააფთიაქო) პროფესიულ საგანმანათლებლო პროგრამებზე რეგისტრირებული აპლიკანტებისთვის პროფესიული ტესტირება ქიმიასა და ბიოლოგიაში ჩატარდება შაბათს, 01 ივნისს. ყველა დარეგისტრირებულმა აპლიკანტმა მიიღო სმს შეტყობინება ტელეფონზე, სადაც მითითებული იყო, რომ ჩაინიშნა ტესტირების დრო. შეგახსენებთ, რომ უნდა შეხვიდეთ თქვენს პროფილზე და ნახოთ საგამოცდო ბარათი. ბარათზე მითითებული იქნება ინფორმაცია ტესტირების ადგილისა და დროის შესახებ. საგამოცდო ბარათი უნდა ამობეჭდოთ და პირადობასთან ერთად თან…
მიმდინარე წლის 27 მაისს, კოლეჯის პროფესიულ სტუდენტებთან უსაფრთხოების უზრუნველყოფის მექანიზმებთან დაკავშირებით, შეხვედრა ჩატარდა. კოლეჯი, თავისი ვალდებულებებიდან გამომდინარე, მუდმივად ზრუნავს სწავლისათვის უსაფრთხო პირობების შექმნაზე. პერიოდულად ტარდება ინსტრუქტაჟი პროფესიული სტუდენტებისთვის უსაფრთხოების ტექნიკის, ხანძარსაწინააღმდეგო დაცვისა და სხვა წესების შესახებ. ინსტრუქტაჟი შრომის უსაფრთხოების სპეციალისტებმა ჩაატარეს.