20 ივნისს, კოლეჯ ბარაკონში გაიმართა გარი ბარდინის ფილმების -„კონფლიქტი“ და „ადაჯიო“-ს ჩვენება. ჩვენების შემდგომ, გაიმართა ფილების განხილვა – დისკუსია. განხილვას უძღვებოდა სამოქალაქო განათლების პროფესიული მასწავლებელი – ნოდარ აფხაძე. განხილვის დროს პროფესიულმა სტუდენტებმა და პროფესიული განათლების მასწავლებლებმა ერთმანეთს თავიანთი შთაბეჭდილებები გაუზიარეს.
საინფორმაციო და საკონსულტაციო შეხვედრების ფარგლებში გაიმართა საჯარო სკოლის მოსწავლეებთან შეხვედრები. შეხვედრები ჩატარდა ქ. თბილისის N163, N35, N122 და N64 საჯარო სკოლებში. შეხვედრების ფარგლებში მოსწავლეებმა მიიღეს ინფორმაცია, ზოგადად პროფესიული განათლებისა და კოლეჯ ბარაკონის საქმიანობის შესახებ. ინტერაქტიულ რეჟიმში განხორციელდა მოსწავლეების ინფორმირება 2023 წელს გამოცხადებულ პროფესიულ საგანმანათლებლო პროგრამებთან დაკავშირებით. მათ ასევე მიეწოდათ ინფორმაცია დასაქმების შესაძლებლობების შესახებ.
მიმდინარე წლის 09 ივნისს, ფარმაციის (სააფთიაქო) პროფესიული საგანმანათლებლო პროგრამის პროფესიულ სტუდენტებთან, კორპორაცია „გეფას“ წარმომადგენლების შეხვედრა გაიმართა. შეხვედრის თემა იყო პროფესიული სტუდენტებისთვის კომპანიის საქმიანობის გაცნობა და ვაკანსიებისა და ანაზღაურებადი სტაჟირების შეთავაზება. კორპორაციის წარმომადგენლებმა ფარმაციის პროფესიული საგანმანათლებლო პროგრამის პროფესიულ სტუდენტებს გააცნეს კორპორაციის საქმიანობა და შესთავაზეს მათთან დასაქმება. კორპორაცია „გეფა“ აერთიანებს 400 – მდე “ფარმადეპოს” და “ჯპს”-ის აფთიაქს. შეხვედრაზე აღინიშნა, რომ კოლეჯი ბარაკონი…
მიმდინარე წლის 09 ივნისს, შედგა მორიგი საინფორმაციო შეხვედრა საექთნო საქმის პროფესიული საგანმანათლებლო პროგრამის პრაქტიკის ინსტრუქტორებთან. პარტნიორი ორგანიზაციის წარმომადგენლებთან ერთად განიხილული იყო საწარმოო პრაქტიკის პერიოდი, დღიურად სამუშაო საათების რაოდენობა და სამუშაო ადგილზე მისაღები პროფესიული სტუდენტების რაოდენობა. ასევე განიხილეს კოლეჯში შეფასების ინსტრუმენტებისა და უწყისების წარმოდგენის ვადები.
მიმდინარე წლის, 25 მაისს ევროკავშირის ტექნიკური დახმარების პროგრამის ფარგლებში, ინკლუზიური განათლების ექსპერტმა ჩაატარა ტრენინგი „აკომოდაციები სასწავლო პროცესის მისაწვდომობისათვის“. ტრენინგის მიზანი იყო ინკლუზიური პროფესიული განათლების მხარდამჭერი ადამიანური რესურსის კომპეტენციების გაძლიერება აკომოდაციების განხორციელების გზით; ასევე, აკომოდაციების განხორციელებაში გაწაფვა პროფესიული სტუდენტის სპეციალური საგანმანათლებლო საჭიროების გათვალისწინებით. ტრენინგს ესწრებოდნენ კოლეჯი ბარაკონის წარმომადგენლებიც.
მიმდინარე წლის 25 მაისს, პროფესიული უნარების სააგენტოს ორგანიზებით, ჩარატდა “ციფრული და შერეული სწავლების კონცეფცია და მექანიზმები პროფესიულ განათლებაში” დოკუმენტის პრეზენტაცია და საჯარო განხილვა. მიმოიხილეს პროფესიულ განათლებაში ტექნოლოგიებით გამდიდრებული ონლაინ თუ შერული სწავლების შესაძლებლობები და გამოწვევები. კონცეფციის განხილვაში, მონაწილეობდნენ პროფესიული საგანმანათლებლო დაწესებულებების, საჯარო და კერძო სექტორის და საერთაშორისო ორგანიზაციების წარმომადგენლები. შეხვედრაში მონაწილეობა მიიღო კოლეჯი ბარაკონის ხარისხის უზრუნველყოფის სამსახურის უფროსმა ნინო ჭითანავამ.
მიმდინარე წლის 25 მაისს, საქართველოს განათლებისა და მეცნიერების მინისტრმა გიორგი ამილახვარმა საჯარო და კერძო პროფესიული პროგრამების განმახორციელებელი დაწესებულებების ხელმძღვანელებთან სამუშაო შეხვედრა გამართა. აღნიშნულ შეხვედრას ესწრებოდა კოლეჯი ბარაკონის დირექტორი გიორგი ფოფხაძე. შეხვედრის ფარგლებში მხარეებმა პროფესიულ განათლებაში არსებული გამოწვევები განიხილეს და მათი გადაჭრის გზებზე იმსჯელეს. გიორგი ამილახვარის გადაწყვეტილებით, პროფესიული კოლეჯების ხელმძღვანელებთან შეხვედრები პერმანენტულ რეჟიმში გაგრძელდება.
მიმდინარე წლის 23 მაისს, კოლეჯის პროფესიულ სტუდენტებისთვის ჩატარდა შეხვედრა უსაფრთხოების უზრუნველყოფის მექანიზმებთან დაკავშირებით, რომლის დროსაც პროფესიულ სტუდენტებს მიეწოდათ ინფორმაცია უსაფრთხოების ტექნიკის, ხანძარსაწინააღმდეგო დაცვისა და სხვა წესების შესახებ. ინსტრუქტაჟი შრომის უსაფრთხოების სპეციალისტმა გიორგი ფოფხაძემ ჩაატარა.
მიმდინარე წლის 11 მაისს, ფარმაციის (სააფთიაქო) პროფესიული საგანმანათლებლო პროგრამის ხელმძღვანელების ქალბატონი ლალი დათეშიძის და ეკა ქებურიას ორგანიზებით პროფესიული სტუდენტები იმყოფებოდნენ “ავერსი – რაციონალის” საწარმოში. პროფესიულმა სტუდენტებმა შეხვედრის ფარგლებში მიიღეს ინფორმაცია კომპანიის შესახებ და დაათვალიერეს საწარმოს სივრცეები. კოლეჯის წარმომადგენლებს უმასპინძლა დირექტორის მოადგილემ ქალბატონმა მარიამ ონანაშვილმა. დიდი მადლობა მას და ,,ავერსი-რაციონალის” თანამშრომლებს საინტერესო ექსკურსიისთვის.
მიმდინარე წლის 6 მაისს, ვაკის პარკში კარიერის ფესტივალი გაიმართა. ფესტივალი HR hub–ის ორგანიზებით, დასაქმების ახალი უნიკალური პლატფორმის sfero.ge-ის, კომპანია Girteka –ს გენერალური სპონსორობით, ევოლუშენ საქართველოს და Lineate Georgia-ს მხარდაჭერით გაიმართა. მასში მონაწილეობა მიიღეს კოლეჯი ბარაკონის სტუდენტებმაც. ფესტივალზე სამსახურის მაძიებლებს სთავაზობდნენ სხვადასხვა ვაკანსიებს. პროფესიულ სტუდენტებს მიეცათ შესაძლებლობა გადადგან პირველი კარიერული ნაბიჯები და შეიძინონ უნარები, რომელიც კონკურენტულს გახდის მათ დასაქმების ბაზარზე.
