ორი დღის განმავლობაში, საინფორმაციო შეხვედრები გაიმართა კოლეჯის პროფესიული პროგრამებით დაინტერესებულ პირებთან. ბარაკონის წარმომადგენლებმა კოლეჯში სწავლის მსურველებს დეტალურად გააცნეს პროფესიული საგანმანათლებლო პროგრამები, შესაძლებლობები და ჩარიცხვისთვის საჭირო პირობები.
კოლეჯ ბარაკონის პროფესიული განათლების მასწავლებლები და პროფესიული სტუდენტები პროფესიული განათლების მე-3 ეროვნულ კონფერენციაში „ინოვაციური სწავლება და შეფასება პროფესიულ განათლებაში“ მონაწილეობდნენ. ჩვენმა მასწავლებლებმა ნინო შუბითიძემ და რუსუდან ბერიტაშვილმა ნომინაციაში “ყველაზე ინტერაქტიული შეფასება“ გაიმარჯვეს. მასწავლებლებმა ბარაკონში პროფესიული განათლების სწავლების ინოვაციურ მეთოდებსა და პრაქტიკებზე ისაუბრეს.
ბარაკონის პროფესიული სტუდენტებისთვის AIESEC in Georgia-ს წარმომადგენლებთან შეხვედრა გაიმართა. შეხვედრაზე საზღვარგარეთ მოხალისეობრივი და ანაზღაურებადი სტაჟირებების შესახებ ისაუბრეს. განიხილეს აისეკის გაცვლითი პროგრამები, კონკრეტული პროექტები და სხვა მრავალი საინტერესო შეთავაზება ბარაკონის პროფესიული სტუდენტებისთვის.
World Vision საქართველოს ორგანიზებით გაიმართა საინფორმაციო შეხვედრა პროფესიულ განათლების ხელმისაწვდომობის შესახებ – თავშესაფრის მაძიებელი, ლტოლვილი, ჰუმანიტარული სტატუსის მქონე და მოქალაქეობის არმქონე პირებისთვის. შეხვედრას ესწრებოდნენ განათლებისა და მეცნიერების სამინისტროს, რესურს ცენტრების, განათლების ხარისხის განვითარების ეროვნული ცენტრის და კოლეჯების წარმომადგენლები.
მიმდინარე წლის 31 მაისს, განათლების ხარისხის განვითარების ეროვნული ცენტრის პროფესიული განათლების ხარისხის უზრუნველყოფის სამსახურის ორგანიზებით, ონლაინ რეჟიმში Zoom პლატფორმის მეშვეობით, გაიმართა საინფორმაციო შეხვედრა პროფესიული საგანმანათლებლო პროგრამების განმახორციელებელი დაწესებულებების წარმომადგენლებთან.
კოლეჯმა ბარაკონმა განათლების მე-11 საერთაშორისო გამოფენაში მიიღო მონაწილეობა. გამოფენაზე, ბარაკონის წარმომადგენლებმა დაინტერესებულ პირებს გააცნეს კოლეჯის საქმიანობა, პროფესიული საგანმანათლებლო პროგრამები, არსებული შესაძლებლობები და სწავლის პირობები.
24 აპრილს, სსიპ განათლების ხარისხის განვითარების ეროვნული ცენტრის მხარდაჭერით და კერძო კოლეჯების ასოციაციის ორგანიზებით გაიმართა ტრენინგი თემაზე „შეფასების სისტემა და მისი ხარისხის უზრუნველყოფა პროფესიულ განათლებაში“. ტრენინგს უძღვებოდა სსიპ განათლების ხარისხის განვითარების ეროვნული ცენტრის დირექტორის მოადგილე კახაბერ ერაძე.
26 მარტს, განათლების ხარისხის განვითარების ეროვნული ცენტრის პროფესიული განათლების ხარისხის უზრუნველყოფის სამსახურის ორგანიზებით, ონლაინ რეჟიმში Zoom პლატფორმის მეშვეობით, პროფესიული საგანმანათლებლო პროგრამების განმახორციელებელი დაწესებულებების წარმომადგენლებთან შეხვედრა გაიმართა.
კერძო კოლეჯების ასოციაციის ორგანიზებით, 17 მარტს, ონლაინ პლატფორმა zoom-ის საშუალებით გაიმართა საკონსულტაციო შეხვედრა თემაზე: შრომის კანონის ახალი ცვლილებების მოთხოვნები პროფესიულ საგანმანათლებლო დაწესებულებებთან მიმართებით.
საქართველოს განათლების, მეცნიერების, კულტურისა და სპორტის მინისტრის ბრძანების (MES 1 21 0000159323 – 24/02/2021) საფუძველზე, კოლეჯის დირექტორის 2021 წლის 26 თებერვლის N05 ბრძანების შესაბამისად, სასწავლო პროცესი წარიმართება არადისტანციურ/დისტანციურ რეჟიმში, რაც განპირობებულია კორონავირუსის (COVID-19) მასობრივი გავრცელების მაქსიმალურად შეჩერებისა და მისი ეფექტიანი მართვის შენარჩუნების მიზნით.
