მიმდინარე წლის 25 თებერვალს, პროფესიული უნარების სააგენტოს მიერ გაიმართა პროფესიული კვალიფიკაციების განვითარებისა და გადახედვის ახალი მეთოდოლოგიის პროექტის საჯარო განხილვა. ღონისძიებას ესწრებოდნენ პროფესიული საგანმანათლებლო დაწესებულებების, დარგობრივი ასოციაციების და საერთაშორისო ორგანიზაციების წარმომადგენლები.
შპს „იბერიფარმა +“-სა და შპს ბარაკონს შორის, ფარმაციის (სააფთიაქო) პროფესიული საგანმანათლებლო პროგრამისთვის გაფორმებული ურთიერთთანამშრომლობის მემორანდუმის ფარგლებში, იბერიფარმას და კოლეჯის წარმომადგენლებმა გამართეს პირველი საინფორმაციო შეხვედრა. შეხვედრის ფარგლებში ხაზი გაესვა თანამშრომლობის მნიშვნელობას.
შპს „იბერიფარმა +“-სა და შპს ბარაკონს შორის, ფარმაციის (სააფთიაქო) პროფესიული საგანმანათლებლო პროგრამის ფარგლებში, გაფორმდა ურთიერთთანამშრომლობის მემორანდუმი. თანამშრომლობის მიზანს ერთობლივი საგანმანათლებლო-შემეცნებითი ღონისძიებების დაგეგმვა-განხორციელება, შპს „იბერიფარმა +“-ის წარმომადგენლების მიერ გაცნობითი ხასიათის შეხვედრების ჩატარება და პროფესიული სტუდენტებისა და კურსდამთავრებულებისთვის სტაჟირების გავლის შეთავაზება წარმოადგენს.
მიმდინარე წლის 31 იანვარს, განათლებისა და მეცნიერების სამინისტროს და სსიპ განათლების მართვის საინფორმაციო სისტემის ორგანიზებით, პროფესიული საგანმანათლებლო პროგრამების განმახორციელებელ საგანმანათლებლო დაწესებულებებისთვის გაიმართა საინფორმაციო შეხვედრა 2022 წლის მიღებისა და ანკეტა-კითხვარის შევსების ვადებთან დაკავშირებით.
განათლების ხარისხის განვითარების ეროვნული ცენტრის, წლიური საერთაშორისო კონფერენციის მესამე დღე დაეთმო პროფესიული განათლების ხარისხის უზრუნველყოფას, რომელიც გაიმართა ონლაინ რეჟიმში , ZOOM-ის პლატფორმის გამოყენებით. კონფერენცია გახსნა განათლებისა და მეცნიერების მინისტრის მოადგილემ ვალერიან გობრონიძემ.
მიმდინარე წლის 30 დეკემბერს, 19 საათზე გაიმართა შპს ბარაკონის მისიის, ხედვის, ღირებულებების, სტრეტეგიული და სამოქმედო გეგმების შემუშავებასა და მონიტორინგზე პასუხისმგებელი კომისიის მიერ შემუშავებული 2022 წლის სამოქმედო გეგმის პროექტის საჯარო განხილვა. COVID-19 ვირუსის გავრცელების პრევენციის მიზნით, სამოქმედო გეგმის პროექტის საჯარო განხილვა გაიმართა ონლაინ – Zoom პლატფორმის მეშვეობით.
კოლეჯის ორგანიზებით, პროფესიული განათლების მასწავლებლებისთვის ჩატარდა ტრენინგი თემაზე “კომპეტენციაზე დაფუძნებული სწავლება და შეფასება პროფესიულ განათლებაში”. ტრენინგს კოლეჯის მხრიდან ესწრებოდა საექთნო საქმის პროფესიული საგანმანათლებლო პროგრამის პრაქტიკის ინსტრუქტორები. ტრენინგს გაუძღვა ხარისხის უზრუნველყოფის სამსახურის უფროსი – ნინო ხაჩიძე.
10 დეკემებერს, ბარაკონის პროფესიული განათლების მასწავლებლებისა და სტუდენტებისთვის ვაქცინაციის თემაზე საინფორმაციო შეხვედრა გაიმართა. შეხვედრას დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) წარმომადგენელი ანა კასრაძე გაუძღვა.
სსიპ – განათლების ხარისხის განვითარების ეროვნულ ცენტრის მიერ 2021-2025 წლის სტრატეგიის ფარგლებში შემუშავდა 2022 წლის სამოქმედო გეგმის პირველადი პროექტი. დოკუმენტის შემუშავებისას გათვალისწინებულ იქნა „პოლიტიკის დოკუმენტების შემუშავების, მონიტორინგისა და შეფასების წესის დამტკიცების შესახებ” საქართველოს მთავრობის 2019 წლის 20 დეკემბრის №629 დადგენილება.
მიმდინარე წლის 17 ნოემბერს, სსიპ დასაქმების ხელშეწყობის სახელმწიფო სააგენტოს ორგანიზებით გაიმართება Online შეხვედრა შინმოვლის სპეციალობის კურსებთან დაკავშირებით. შეხვედრისას მონაწილეებს მიეწოდათ ინფორმაცია, რომ განათლებისა და მეცნიერების სამინისტროს მიერ დამტკიცებულია 144 საათიანი მოკლე კურსი შინმოვლის სპეციალისტთა მომზადებისთვის.
