1 ოქტომბერს სასწავლო წელი იწყება!
გელოდებით 12.00 საათზე.
26 სექტემბერს, კოლეჯში საშუალო პროფესიულ საგანმანათლებლო პროგრამაში ზოგადი განათლების საშუალო საფეხურის ინტეგრირების პროცესში მხარდაჭერის ვიზიტი გაიმართა. სსიპ განათლების ხარისხის განვითარების ცენტრიდან შეხვედრას ესწრებოდა პროფესიული განათლების ხარისხის უზრუნველყოფის სამსახურის უფროსი – კახაბერ ერაძე და პროფესიული საგანმანათლებლო დაწესებულებების ავტორიზაციის ექსპერტები – ქეთევან ბოტკოველი, შორენა ჯაფარიძე და მანანა თურქაძე.
24 სექტემბერს, განათლების მართვის საინფორმაციო სისტემაში კერძო პროფესიულ საგანმანათლებლო დაწესებულებებს ტრენინგი ჩაუტარდათ ანკეტა-კითხვარის შევსების მიზნით.
ტრენინგს კოლეჯის მხრიდან ესწრებოდა დირექტორის მოადგილე ნინო ბოკერია და ხარისხის უზრუნველყოფის სამსახურის უფროსი ნინო ხაჩიძე.
17 სექტემბერს, სსიპ განათლების ხარისხის განვითარების ეროვნულ ცენტრში პროფესიული განათლების ხარისხის უზრუნველყოფის სამსახურის ორგანიზებით პროფესიული საგანმანათლებლო პროგრამების განმახორციელებელ საგანმანათლებლო დაწესებულებებთან სამუშაო შეხვედრა გაიმართა, რომელიც პროგრამების ბიუჯეტის შედგენას შეეხებოდა.
7 სექტემბერს, საქართველოს ბიზნესის აკადემია – SBA-ში „კარგი მმართველობის ფონდის (GGF)“ ფინანსური მხარდაჭერითა და მსოფლიო ბანკის თანამონაწილეობით განხორციელებული პროექტის „პროფესიული განათლების მასწავლებლების კვალიფიკაციის ამაღლება“ წარმომადგენლებთან შეხვედრა გაიმართა. პროექტი მიზნად ისახავს პროფესიული განათლების
ახალი სისტემის განვითარებას, რომელიც მოიცავს პროფესიული განათლების მასწავლებელთა კორპუსის გაძლიერებას, სწავლა/სწავლების ხარისხის ამაღლებას და მასწავლებელთა დიფერენცირებული ანაზღაურების სქემის დანერგვას.
2 სექტემბერს განათლების მართვის საინფორმაციო სისტემამ (Emis) გამართა სამუშაო შეხვედრა კერძო პროფესიული საგანმანათლებლო დაწესებულებებისთვის შემდეგ საკითხებზე: რეესტრის წარმოების საკითხები, დაფინანსების ანკეტა-კითხვარების შევსება და აპლიკანტთა რეგისტრაცია.
30 აგვისტოს, საქართველოს კერძო კოლეჯების ასოციაციის წევრი კოლეჯებისთვის განათლების, მეცნიერების, კულტურისა და სპორტის სამინისტროში გაიმართა შეხვედრა, რომელიც ეხებოდა, როგორც საკვალიფიკაციო პროგრამების, ასევე მომზადება-გადამზადების პროგრამების დაფინანსების საკითხებს.
29 აგვისტოს სსიპ განათლების ხარისხის განვითარების ეროვნულ ცენტრში საშუალო პროფესიულ საგანმანათლებლო პროგრამებში ზოგადი განათლების საშუალო საფეხურის სწავლის შედეგების ინტეგრირებასთან დაკავშირებით საჯარო და კერძო კოლეჯების წარმომადგენლებთან სამუშაო შეხვედრა გაიმართა, რომელსაც განათლების, მეცნიერების, კულტურისა და სპორტის სამინისტროს პროფესიული განათლების დეპატამენტის წარმომადგენლებიც ესწრებოდნენ.
მიმდინარე წლის 25 აგვისტოს, პროფესიული მომზადებისა და პროფესიული გადამზადების პროგრამების შესახებ სამუშაო შეხვედრა გაიმართა განათლების, მეცნიერების, კულტურისა და სპორტის მინისტრის მოადგილე – გიორგი ვაშაკიძესთან.
მიმდინარე წლის 16 აგვისტოსს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე „სამუშაოს მაძიებელთა პროფესიული მომზადება-გადამზადებისა და კვალიფიკაციის ამაღლების სახელმწიფო პროგრამაში“ ჩართულ მხარეებს შეხვდა. შეხვედრას ესწრებოდა საქართველოს განათლების, მეცნიერების, კულტურისა და სპორტის მინისტრის მოადგილე გიორგი ვაშაკიძე, სახელმწიფო და კერძო პროფესიული საგანმანათლებლო დაწესებულებების ხელმძღვანელები და დამსაქმებლები.