5 დეკემბერს, საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილი კერძო პროფესიულ საგანმანათლებლო დაწესებულებების დირექტორებს შეხვდა. შეხვედრის ფარგლებში სისტემაში მიმდინარე ცვლილებები და სამომავლო გეგმები განიხილეს.
მინისტრის მოადგილემ ყურადღება გაამახვილა სისტემის ინტერნაციონალიზაციის პროცესზე, პროფესიულ განათლებასთან დაკავშირებული სერვისების ხელმისაწვდომობის გაუმჯობესებაზე.
3 დეკემბერი შეზღუდული შესაძლებლობების მქონე პირთა საერთაშორისო დღეა. ის 1992 წელს გაეროს მიერ დაარსდა და მისი მიზანია კიდევ ერთხელ გაამახვილოს ყურადღება იმ მრავალსაუკუნოვან დისკრიმინაციასა და უგულვებელყოფაზე, რომელსაც შეზღუდული შესაძლებლობების მქონე პირები განიცდიან.
ტრადიციისამებრ, ამ დღესთან დაკავშირებით, ჩვენი კოლეჯის სტუდენტები კოჯრის შშმ ბავშვთა სახლს ესტუმრნენ.
სსიპ განათლების ხარისხის განვითარების ეროვნულმა ცენტრმა მოდულური და დუალური პროგრამების დანერგვის მხარდაჭერის ფარგლებში პროფესიული საგანმანათლებლო პროგრამების განმახორციელებელი დაწესებულებებისათვის სამუშაო შეხვედრები გამართა. შეხვედრები თბილისში, 27-29 ნოემბერს საზოგადოებრივ კოლეჯ პანაცეაში გაიმართა, რომელსაც კოლეჯის მხრიდან ესწრებოდა დირექტორის მოადგილე ნინო ბოკერია და ხარისხის უზრუნველყოფის სამსახურის უფროსი ნინო ხაჩიძე.
2019 წლის შემოდგომის პროფესიული ტესტირების შედეგად ინფორმაციის ტექნოლოგიის, საექთნო საქმის და ფარმაციის (სააფთიაქო) პროფესიულ საგანმანათლებლო პროგრამებზე ჩარიცხული პროფესიული სტუდენტებისთვის სწავლა დაიწყება 2019 წლის 2 დეკემბერს.
2019 წლის საშემოდგომო მიღებაზე ჩარიცხულმა აპლიკანტება, პროფესიული სტუდენტის სტატუსის მოსაპოვებლად 15 ნოემბრიდან 22 ნოემბრის ჩათვლით, კოლეჯში უნდა წარმოადგინონ სავალდებულო დოკუმენტები:
4 ნოემბერს, საქველმოქმედო ფონდ „საქართველოს კარიტასი“-ს 25 წლის იუბილესთან დაკავშირებით ღონისძიება გაიმართა. ღონისძიების მიზანი იყო დამსწრე საზოგადოებისთვის გაეცნოთ კარიტასის საქართველოში მუშაობის 25 წლის შედეგები და ორგანიზაციის საქველმოქმედო საქმიანობა. ღონისძიებაზე მიწვეული იყვნენ სახელმწიფო სტრუქტურების წარმომადგენლები და ორგანიზაციის უცხოელი და ადგილობრივი პარტნიორები. ღონისძიებას ესწრებოდა კოლეჯის დირექტორი – გიორგი ფოფხაძე.
საქართველოს კარიტასის სასწავლო-საკონსულტაციო ცენტრის მიერ, 1 ნოემბერს სერტიფიკატების გადაცემის ცერემონია გაიმართა. სერტიფიკატები გადაეცათ პრაქტიკოსი ექთნის პროფესიული საგანმანათლებლო პროგრამის იმ პროფესიულ სტუდენტებს, რომლებმაც წარმატებით გაიარეს ავადმყოფის მოვლის სასწავლო კურსი.
4 ნოემბრიდან იწყება კომპიუტერული გრაფიკოსის, ოფისის მენეჯერის, ბაგა-ბაღის აღმზრდელი პედაგოგის და ინფორმაციის ტექნოლოგიის პროფესიული საგანმანათლებლო პროგრამების კურსდამთავრებულთა დიპლომების გაცემა.
დიპლომების გასაცემად მობრძანდით ორშაბათიდან პარასკევის ჩათვლით 12 საათიდან 15 საათამდე.
პროექტის “მასწავლებელთა ხარისხის ამაღლება პროფესიულ განათლებაში” ფარგლებში, რომელიც”მსოფლიო ბანკის ჯგუფის” მიერ საქართველოს განათლების, მეცნიერების, კულტურისა და სპორტის სამინისტროსთან თანამშრომლობითა და “კარგი მმართველობის ფონდის” მხარდაჭერით მიმდინარეობს, კვლევითი და ანალიტიკური სამუშაოების განხორციელების მიზნით სსიპ „განათლების მართვის საინფორმაციო სისტემამ“ ინფორმაციის სრულად მოძიებისა და დამუშავებისათვის ბაზაში პროფესიული მასწავლებლებთან დაკავშირებით დაამატა ველები.
საქართველოს განათლების, მეცნიერების, კულტურისა და სპორტის სამინისტრო, 2 ოქტომბრიდან 15 ოქტომბრის ჩათვლით, აცხადებს პროფესიული განათლების მიღების მსურველთა რეგისტრაციას. ყველა დაინტერესებულ პირს აქვს შესაძლებლობა, სახელმწიფოს დაფინანსებით ისწავლოს ჯანდაცვის და ინფორმაციისა და კომუნიკაციის ტექნოლოგიების მიმართულების საგანმანათლებლო პროგრამებზე კოლეჯ “ბარაკონში”.
